|
|
|
|
 |
29-03-2009 Aprelin 1-də borclu abonentlərin işığı kəsiləcək
Bakı. Rəşad Süleymanov – APA-Economics. «Bakıelektrikşəbəkə» ASC aprelin 1-i saat 15:00-dan borclu abonentlərin enerji təchizatını dayandıracaq. Bu barədə «APA-Economics»ə «Bakıelektrikşəbəkə» ASC-nin mətbuat xidmətindən məlumat verilib.
Bayram və istirahət günləri ərzində abonentlərə borclarını ödəmələri üçün möhlət verilib. Səhmdar cəmiyyətindən bildirilib ki, aprelin 1-də verilən müddət başa çatır və həmin gün borclu vətəndaşların enerji təchizatı dayandırılacaq.
Qeyd edək ki, «Bakıelektrikşəbəkə» ASC-nin 670 minə yaxın abonenti var. |
|
| | |
